Estoniya çempionatında maraqlı hadisə baş verib.
"Qafqazinfo" xəbər verir ki, "Nomme Kalyu" - "Levadiya" matçında meydan sahiblərinin futbolçusu Lauri Suup 13-cü saniyəsində əvəzlənib.
Buna isə ölkə çempionatının əsasnaməsində göstərilən tələb səbəb olub. Belə ki, əsasnaməyə əsasən, hər bir klub start heyətində ən azı 2 yetirməsini meydana buraxmalıdır. 16 yaşlı Suup isə onlardan biri olub. Onun yerinə meydana 22 yaşlı Vladislav Xomutov çıxıb.
Qeyd edək ki, qarşılaşma qonaqların 2:1 hesablı qələbəsi ilə başa çatıb.