Hansı hallarda qonşulara vurulan zərəri sığorta şirkəti ödəyir? - Video
Bəzən binadakı mənzillərin birindən digərinə su keçir. Həmçinin təmir, yanğın və ya digər hallar zamanı qonşuya maddi zərər dəyir.
“Qafqazinfo” xəbər verir ki, “Xezerxeber.az”ın məlumatına görə, qaydalara əsasən, əmlakın icbari sığortası yalnız ev sahibinin məsuliyyətini sığortalayır.
Başqa sözlə, əgər əlavə sığorta təminatı yoxdursa, qonşu qonşuya vurduğu ziyana görə sığorta şirkəti digər zərərçəkənlərə pul ödəmir. Əslində isə, əmlak sahibləri müəyyən məbləğ ödəməklə üçüncü şəxslər qarşısında məsuliyyətini sığortalaya bilərlər. Yəni bu sığorta məhsulunu əldə edən şəxs su sızması, yanğın və digər hallarda qonşulara vurduğu zərəri özü yox, onun yerinə sığorta şirkəti ödəyir.
Bu sığorta məhsulunun qiyməti şərtlərdən və təminat məbləğindən asılıdır. Təminat məbləği isə şərtlər və razılaşmadan asılı olaraq arta bilər.
Qeyd edək ki, Bakıda əmlakın icbari sığorta haqqı 50, Gəncə, Naxçıvan və Sumqayıtda 40, digər ərazilərdə isə 30 manatdır.
Daha ətraflı süjetdə:
Son Xəbərlər
- 1
- 2
- 3
- 4
- 5
- 6
