“Apple” şirkəti “iPhone”un 20 illiyini qeyd etmək üçün 2027-ci ildə böyük yeniliklərlə gələcək xüsusi bir model təqdim etməyə hazırlaşır.

“Qafqazinfo” xəbər verir ki, gözlənilən “iPhone 20” modeli tam şüşədən hazırlanacaq və fiziki düymələrdən məhrum olacaq.

“iPhone 20” tam şüşədən ola bilər və düymələr olmayacaq. Ön kameranın ekran altına yerləşdiriləcəyi ilə bağlı məlumatlar ziddiyyətlidir. Gələn ilin sentyabrında təqdim edilə bilər. Hələlik qiymət barədə heç bir məlumat açıqlanmayıb.

Bildirilir ki, “Apple” “iPhone”un dizaynını 2027-ci ildə kökündən dəyişməyi planlaşdırır. Belə ki, “iPhone 20”son dərəcə mürəkkəb” dizayna malik olacaq.

Qeyd edilir ki, sözügedən “iPhone” modeli fiziki düymələrdən məhrum olacaq. Güc, səs, “Action” və kamera düymələri cihazın çərçivəsinə inteqrasiya ediləcək. Hətta yüngül və daha sərt basmalar fərqli funksiyaları aktivləşdirə biləcək.

“Apple” ekran kəsiklərini tamamilə aradan qaldırmağı planlaşdırır. 2026 və 2027 modellərində Face ID komponentləri ekranın şəffaf sahəsi altında yerləşəcək və daha kiçik “notch” görünüşü təmin ediləcək.

“iPhone 20”nin ön hissəsində daha parlaq və incə OLED panel olacaq. “Apple” “Samsung” OLED ekranını “Color Filter on Encapsulation” texnologiyası ilə istifadə edə bilər ki, bu da ekranı daha incə, daha parlaq və enerji sərfiyyatını azaldır.

“iPhone 20” 2nm çip texnologiyası ilə gələcək və “Mobile High Bandwidth Memory” RAM ilə siqnal ötürmə sürətini artıracaq. Model “Apple”ın ilk silikon batareyasını təqdim edə bilər ki, bu da daha yüksək enerji sıxlığı ilə daha böyük batareya tutumuna imkan verir.

Ön kamera performansı isə əsas diqqət mərkəzində olacaq. “iPhone”un ön kameraları “FaceTime” və digər videozənglər üçün yüksək keyfiyyət təmin etməlidir.

20 illik yubiley modelinin “iPhone Pro Max” ilə oxşar səviyyədə olacağı gözlənilir.