“Karantinin bitməsini gözləyirik ki, Azərbaycana gələk”
“Bizim ailəmiz dəfələrlə Azərbaycanda olub və biz bu ölkəni çox sevirik”.
“Qafqazinfo”nun məlumatına görə, bu sözləri Rusiyanın tanınmış teleaparıcısı Dmitri Dibrov “Moskva-Baku” nəşrinə müsahibəsində deyib.
“Azərbaycan mətbəxi ayrıca incəsənət növüdür. Biz qutabı, plovu və manqal salatını çox sevirik. Polina (həyat yoldaşı - red.) evdə manqal salatını çox yaxşı hazırlayır! Çox gözləyirik ki, karantin bitsin, bütün ailəmizlə, uşaqlarla bərabər Bakıya gəlib Azərbaycan mətbəxindən zövq alaq!”, - teleaparıcı qeyd edib.
Nəşrin “Bakıya gəldikdə hansı yerlərə gedəcəksiniz?” sualına isə Dibrov belə cavab verib:
“Əlbəttə ki, Bakı restoranlarına (gülür-red.). İçərişəhərdə, sahildə gəzəcəyik və məmnuniyyətlə möhtəşəm Heydər Əliyev Mərkəzini ziyarət edəcəyik. Bakı – inanılmaz, xüsusi şəhərdir. Mən hər dəfə ora gələndə xeyirxah münasibət və inanılmaz qonaqpərvərlik hiss edirəm, elə bil evdəyəm”.
Son Xəbərlər
- 1
- 2
- 3
- 4
- 5
- 6
