Maskalanıblar… - Fotolar
İtaliyada Venesiya Karnavalı davam edir.
“Qafqazinfo” xəbər verir ki, Karnaval bu il ölkədə fevralın 6-da başlayacaq Qış Olimpiya Oyunlarına həsr olunub.
Belə ki, illik geyim festivalı yanvarın 31-də açılıb.
Ertəsi gün Böyük Kanalda ənənəvi su paradı keçirilib. Sütunun başında Venesiya simvolu - nəhəng siçovul formalı gəmi dayanıb və onu kostyumlu avarçəkənlərlə 100-ə yaxın qayıq izləyib.
Karnaval 18 gün davam edəcək və maska yarışları, “Dream Ball”, Venesiya Karnavalı Küçə Şousu, “Festa Della Marie” gondol paradı, Məryəmin tacqoyma mərasimi, Mələk Qızın “San Marko” zəng qülləsindən enməsi və “La Fenice'de” “La Traviata” operası daxil olmaqla ən azı 50 fərqli tədbiri əhatə edəcək.
Festival fevralın 17-də bağlanacaq. Son tamaşalar Pasxa bayramından əvvəl qırx günlük orucun başlanğıcını qeyd edən “San Marko” meydanında olacaq.
Qeyd edək ki, Venesiya karnavalı ilk dəfə orta əsrlərdə keçirilib. Onun haqqında ilk qeydlər 11-ci əsrin sonlarına aiddir.
Son Xəbərlər
- 1
- 2
- 3
- 4
- 5
- 6
