Polşa 16 partiya əlavə neft alır - Siyahıda Azərbaycan da var
Polşanın ən böyük dövlət energetika şirkəti “Orlen” Səudiyyə Ərəbistanından neft tədarükündə yaranan fasilələri kompensasiya etmək üçün digər ölkələrdən 16 partiya əlavə xam neft almağa başlayıb.
“Qafqazinfo” xəbər verir ki, bu barədə “Reuters” agentliyi məlumat yayıb.
Şirkət öz bəyanatında Azərbaycan, Norveç, Böyük Britaniya, Əlcəzair, Qazaxıstan, həmçinin Şimali və Cənubi Amerika ölkələri ilə tədarük müqavilələri bağladığını açıqlayıb.
Qeyd edək ki, sentyabrın 10-da Yəmənin “Ənsar Allah” hərəkatının (husilər) hücumlarından sonra Səudiyyə Ərəbistanında nefti ölkənin şərq sahilindən Qırmızı dəniz bölgəsinə nəql edən “Şərq-Qərb” boru kəmərinin fəaliyyəti dayandırılıb. “Orlen” şirkətinin neft tələbatının təxminən 40%-ni isə “Saudi Aramco” təmin edir.
Son Xəbərlər
- 1
- 2
- 3
- 4
- 5
- 6
