“Qrenlandiya ABŞ-nin bir hissəsi olmalıdır”
“Qrenlandiya ABŞ-yə məxsus olmalıdır”.
“Qafqazinfo” xəbər verir ki, bu sözləri ABŞ Prezidenti Donald Trampın Baş Qərargah rəisinin müavini Stiven Miller CNN-ə müsahibəsində bildirib.
“Hazırkı ABŞ Administrasiyanın rəsmi mövqeyi əvvəldən bəllidir: Qrenlandiya ABŞ-nin bir hissəsi olmalıdır. Prezident bu barədə çox açıq danışıb”, - o deyib.
Miller aparıcının qoşunların yerləşdirilməsi ehtimalı ilə bağlı sualına birbaşa cavab verməkdən yayınsa da, “heç kim Qrenlandiyanın gələcəyi ilə bağlı Birləşmiş Ştatlarla hərbi münaqişəyə girməyəcək”, - deyə söyləyib.
“Danimarkanın ərazi iddiaları nəyə əsaslanır? Onlar hansı əsasla Qrenlandiyaya iddia edirlər? ABŞ NATO gücüdür. Arktika bölgəsinin təhlükəsizliyinin təmin edilməsi, NATO-nun və onun maraqlarının qorunması və müdafiə edilməsi üçün Qrenlandiya ABŞ-nin bir hissəsi olmalıdır” - S.Miller vurğulayıb.
Qeyd edək ki, Qrenlandiya Danimarka krallığına daxil olan muxtar ərazidir. Ağ Ev rəhbəri Donald Tramp həm 2017-2021-ci illərdə ilk prezidentliyi dövründə, həm də ikinci prezidentliyi dövründə dəfələrlə Qrenlandiyanın ABŞ-yə qatılmalı olduğunu bildirib. Danimarka tərəfi isə bu iddiaları rədd edib və adanın müdafiəsinin gücləndirilməsi istiqamətində addımlar atıb.
Son Xəbərlər
- 1
- 2
- 3
- 4
- 5
- 6
