“Rusiya Suriyaya raket verir, biz bunu sorğu-sual etmirik” - Çavuşoğlu

rusiya-suriyaya-raket-verir-biz-bunu-sorgu-sual-etmirik
Oxunma sayı: 2480

Türkiyənin istehsal etdiyi PUA-lara dünyada böyük tələb var.

“Qafqazinfo” Türkiyə KİV-ə istinadən xəbər verir ki, bunu Türkiyənin xarici işlər naziri Mövlud Çavuşoğlu deyib.

“PUA-larla bağlı çox tələb var. İndoneziya və başqa ölkələrdən. Amma Rumıniya və Polşa məsələsində ciddi dəyişiklik oldu. Müdafiə sənayesi məhsulları satın alarkən müəyyənləşdirdikləri Avropa İttifaqı və NATO üzvü olma meyarını hər ikisi dəyişdirdi”, - xarici siyasət idarəsinin rəhbəri vurğulayıb.

Nazir Rusiya ilə səyahət məhdudiyyətlərindən də danışıb:

“Rusiyanın bizə dediyi səbəb siyasi deyil. Uçuş məhdudiyyəti qərarının pandemiya ilə bağlı olduğunu söyləyirlər. İndi rəqəmlər azalır. Ümid edirəm, açarlar. Rusiyalı turistlər açılması üçün çox təzyiq göstərirlər”.

O, Ukraynaya PUA ixracı məsələsinə də aydınlıq gətirib:

“Heç kim bu məsələdə həssaslıq göstərməməlidir. Rusiya Suriyaya raket verir. Biz bunu sorğu-sual etmirik”.