“2012-ci ildən bu yana bütün kollec məzunları universitetə qəbul ola bilər”

“2012-ci ildən bu yana bütün kollec məzunları universitetə qəbul ola bilər”
Oxunma sayı: 1921

"2012-ci ildən bu yana bütün subbakalavr təhsili almış məzunlar qəbul imtahanında topladığı baldan asılı olmayaraq müsabiqədə iştirak edə biləcək".

"Qafqazinfo" xəbər verir ki, bu sözləri Təhsil Nazirliyinin şöbə müdiri  Yaqub Piriyev Nazirlər Kabinetinin 20 may 2019-cu il tarixində təsdiq etdiyi qərarlarla bağlı mətbuat konfransında deyib.

O bildirib ki, qaydalara görə, subbakalavrlar ali təhsil müəssisələrinin bakalavriat səviyyəsinə qəbul olunarkən həmin təhsil müəssisələrində yalnız tədris dili orta ixtisas təhsili pilləsində təhsil aldıqları dilə uyğun ixtisasları seçmək hüququna malikdirlər.

Müsabiqə zamanı subbakalavrın orta müvəffəqiyyət göstəricisi (ÜOMG) və təhsil haqqında sənədinə (attestata) üstünlük veriləcək. Ali təhsil müəssisələrinin xüsusi qabiliyyət tələb edən ixtisasları üzrə təhsil almaq istəyən subbakalavr isə DİM tərəfindən təşkil olunmuş qabiliyyət imtahanlarında müəyyən edilmiş cədvəl üzrə ödənişli əsaslarla iştirak edəcək. Daha sonra ali təhsil pilləsini başa vurmayan şəxslərin orta ixtisas təhsili müəssisələrinə köçürülməsi qaydaları media nümayəndələrinin diqqətinə çatdırılıb.

Qeyd olunub ki, ali təhsil pilləsinin bakalavriat səviyyəsini normativ təhsil müddətindən sonrakı 15 il müddətində (həqiqi hərbi xidmət müddəti istisna olmaqla) başa vurmayan və ali təhsil müəssisəsindən xaric olunmuş şəxslər də təhsillərini orta ixtisas təhsili müəssisələrində davam etdirmək hüququna malikdirlər.


Daha tez məlumatlanmaq üçün yeni Facebook səhifəmizi