Atatürk Hava Limanında “Royal Air Moroc”a məxsus sərnişin təyyarəsi Türk Hava Yollarının (THY) təyyarəsi ilə toqquşub.
“Qafqazinfo” “İHA”ya istinadən xəbər verir ki, İstanbul-Kasablanka reysini gerçəkləşdirən layner hava limanından uçuşa qalxmağa başlarkən sağ qanadı İstanbul-Afina reysi üzrə sərnişin qəbul etməyə hazırlaşan “Boeing 777”nin quyruğuna çırpılıb.
Qəza nəticəsində təyyarələrə ciddi ziyan dəyib. Hadisə yerinə dərhal yanğınsöndürənlər cəlb olunub.
THY-yə məxsus təyyarə uçuşunu dayandırıb, sərnişinlər digər laynerlə Afinaya yola salınıb.