Azərbaycanda əmisi oğlu ilə nişanlı olan qız dayısı oğluyla qaçdı
İsmayıllı rayonunun Quşencə kəndində qəribə hadisə baş verib.
"Qafqazinfo" Azvision.az -a istinadən xəbər verir ki, bir ilə yaxındır ki, əmisi oğlu ilə nişanlı olan 25 yaşlı qız başqa oğlana qoşularaq qaçıb. Məlum olub ki, onun evlənmək məqsədilə qaçdığı şəxs doğma dayısı oğludur.
Sakinlərin bildirdiyinə görə, həmin qızın bu yaxınlarda əmisi oğlu ilə toyu olacaqdı. Hətta ailələr toy tarixini də müəyyən ediblər.
Quşencə bələdiyyəsinin sədri Ağayev Orxan Ramiz oğlu faktı təsdiqləyib. Onun sözlərinə görə, hadisə ötən gün baş verib.
“Dəqiq deyə bilmərəm ki, qız əmisi oğluna məcburi verilmişdi, ya yox. Ancaq dayısı oğlunu sevdiyi bəlli oldu. Buna görə də iyunun 6-da dayısı oğlu ilə birgə qaçıb. Qızın ailəsi çox normal ailədir. Bütün kənd baş verən hadisədən şoka düşüb”.
Son Xəbərlər
- 1
- 2
- 3
- 4
- 5
- 6
