Bakıda ərəb olduqlarını deyib kassanı yardılar - Video
Paytaxtın Qaradağ rayonu ərazisindəki ticarət mərkəzində oğurluq hadisəsi baş verib.
"Qafqazinfo"nun "Xəzər Xəbər"ə istinadən məlumatına görə, zərərçəkmiş Qurban Qurbanov ərazi üzrə 10-cu polis bölməsinə məlumat verib ki, yataq dəsti satılan mağazasında özlərini Birləşmiş Ərəb Əmirliyinin vətəndaşı kimi təqdim edən şəxslər kassadan 1200 manat pul oğurlayıblar.
Mağazanın təhlükəsizlik kamerasına baxış zamanı polis, həqiqətən də, iki nəfər şəxsin satıcı ilə danışdığını əks etdirən görüntüləri görüb. Xanım işçiyə ərəb olduqlarını bildirən həmin şəxslər yataq dəsti almaq istədiklərini deyiblər. Kadrlardan aydın olur ki, onlardan biri satıcının başını qatır, digəri isə mağazada gəzir. Həmin vaxt o, fürsətdən istifadə edib, kassada olan pulları götürərək aradan çıxıb.
Polis hər iki şəxsi axtarır.
