Əli Kərimlinin qaynı həbs olundu
41 yaşlı Elnur Seyidov Bakıda yaşayır, bank işçisidir. “Media forum” saytı xəbər verir ki, Elnur Seyidovu Milli Təhlükəsizlik Nazirliyi saxlayıb. Onun nədə ittiham olunduğu hələlik bilinmir.
***
Vəkil Əsabəli Mustafayev “Media forum” saytına açıqlamasında AXCP sədri Əli Kərimlinin qayını Elnur Seyidovun saxlandığını təsdiqləyib.
Əsabəli Mustafayev deyib: “Bank işçisi olan Elnur Seyidovun hüquqlarını vəkil Fəxrəddin Mehdiyevlə mən müdafiə edirik. Elnur Seyidovu martın 27-si günorta saatlarında Bakıda Milli Təhlükəsizlik Nazirliyinin əməkdaşları saxlayıb. Martın 28-də Elnur Seyidovla görüşmək üçün MTN-ə getdik. Məni görüşə buraxmadılar. Ancaq Fəxrəddin Mehdiyev Elnur Seyidovla görüşüb”.
Əsabəli Mustafayev əlavə edib ki, Əli Kərimlinin qayını siyasətdən uzaq adamdır.
MTN-in ictimai əlaqələr mərkəzinin rəhbəri Arif Babayev “Media forum” saytına bildirib ki, sözügedən məsələ ilə bağlı mərkəzə hər hansı məlumat daxil olmayıb.
