Twitter-li və Twitter-siz həyat- Şəbəkə

<b>Twitter-li və  Twitter-siz həyat-<font color=red> Şəbəkə</b></font>
Oxunma sayı: 134

5 il bundan əvvəl kiçik bir komanda bizim Twitter kimi tanıdığımız mikrobloq xidməti üzərində işə başlayıb. Bu kiçik komanda kim idi: Noah Glass (Twitter: @Noah), Twitter adının müəllifi və layihənin o zamankı meneceri, Florian Weber (Twitter: @florian və @csshsh) və Jack Dorsey (Twitter: @jack) proqramistlər, Biz Stone (Twitter: @Biz) dizayner, və Evan Williams (Twitter: @Ev). Evan Williams layihəyə rəhbərlik edib və həmtəsisçilərdən biridir. O həm də Twitter-in ilk baş icraçı direktoru olub. Xatırlatmaq yerinə düşər ki, hamımızın sevə-sevə ilətdiyimiz www.blogger.com bloq yaratma platforması da Evan Williams tərəfindən yaradılıb.

2006-cı il mart ayının 21-də Jack Dorsey ilk “twit”-ini, yəni “civilti”sini göndərir. Bu “civilti” belə olub: "just setting up my twttr" – “twttr hesabımı yaradıram”.

Twitter-in Azərbaycan dilində tərcüməsi “çərənləmək”, “cikkildəmək”, “civildəmək” və s. anlamda gəlir. Amma, Twitter yaradıcıları onu quş civiltisi anlamında işlədiblər. Demək ki, milli dilimizdə Twitter “Civilti” və ya “Cikkilti” deməkdir.

Twitter nədir və onu necə istifadə etməli?

Twitter bizim qısa ismarıc kimi tanıdığımız SMS xidmətinə çox bənzəyir. O, mobil telefonda olduğu kimi 140 simvol ilə istədiyinizi yazmağa imkan verir. Ödənişsiz bir xidmət olaraq, Twitter istifadəçilərə imkan verir ki, anında dostlarınızla, tanışlarınızla, tanımadığınız və tanıdıqlarınızla əlaqə yaradasınız və hər hansı bir xəbəri paylaşa biləsiniz. Onun digər özəlliyi ondan ibarətdir ki, bütün məlumatlar elektron poçtunuza və yaxud mobil telefonunuza göndərilə bilir.

Twitter hesabı açmaq da çox asandır. Sadəcə, http://www.twitter.com ünvanına daxil olursan və səhifə ingilis dilində açılır. Səhifənin aşağısında dil seçimini də edə bilərsiniz. Avropanın aparıcı dilləri ilə yanaşı ən çox istifadə etdiyimiz Rus və Türk dillərindən birini seçə və açılan pəncərədə adınızı və elektron poçtunuzu daxil edə, şifrənizi seçə və hesabınızı yarada bilərsiniz.
Hesabınızı yaradandan sonra siz istədiyiniz adamları real adlarıyla və ya istifadəçi adlarıyla araya bilərsiniz. Tapan zaman, onları izləyə və ya oxuya bilərsiniz. Istifadə etdiyiniz dildən asılı olaraq səhifənizdə izləmək və ya oxumaq istədiyiniz adamın profilinin sağ tərəfində gördüyünüz - İngilis dilində “Follow“, Rus dilində «Читай», Türk dilində isə “Takip et” düyməsini basın. Twitter-in fəlsəfəsində dayanan ideya izlədiklərinizin və ya oxuduqlarınızın həmin an nə etdiyini bilməkdir.
Twitter-də sizi də izləyəcəklər. Sizləri kimlərin izlədiyini öyrənmək üçün profil səhifənizdə sağ kənar paneldə İngilis dilində “Followers”, Rus dilində «Читатели», Türk dilində isə “Takipçileri” düyməsinə basın. Açılan səhifədə sizləri kimlərin izlədiyini görə biləcəksiniz. Digər tərəfdən sizləri izləyənlər haqqında da məlumatlar da elektron poçtunuza daxil oalcaq.
Ən vacibi unutmayın: açılan səhifənizdə: Türkcə “Neler oluyor?”, Rusca “Что происходит?” və İngiliscə “What’s happening?” yazılan cümlənin altında 140 simvolla qısa “civilti”nizi yazın və dostlarınız nə etdiklərinizdən xəbərdar olsun.
Twitter-in bir üstünlüyü də var. Onun mobil telefonda istifadəsi çox asandır və istənilən telefonda qurula bilir. Mobil telefonda istifadəsi zamanı da sürətlə açılır və internet trafikini də az istifadə edir. O qədər effektlidir ki, sanki mobil telefonunuzda SMS yazırsınız. 140 simvol yazmaq da o qədər çətin deyil.

Tanınmışlar Twitter-də

Siyasətçilərin ən çox olduğu yer Twitter platformasıdır. Siz orada tanınmişlardan Türkiyə prezidenti və baş nazirini, Rusiya, Amerika, Azərbaycan prezidentlərini, Azərbaycan siyasətçilərindən Əli Kərimli və İsa Qəmbəri də izləyə və oxuya bilərsiniz.
Sevimli müğənnilərinizin də əksəriyyətini burada izləyə, oxuya və onlarla əlaqə yarada bilərsiniz. Məşhur müğənni Lady Gaganı 10,644,189 nəfər oxuyur, ABŞ prezidenti Barak Obamanı isə 8,391,934 nəfər. Maraqlıdır, elə deyilmi?

Ardı var...

Razi Nurullayev

Twitter: www.twitter.com/RaziNurullayev


Daha tez məlumatlanmaq üçün yeni Facebook səhifəmizi