Azərbaycan vətəndaşı ermənilər tərəfindən girov götürülüb.
“Qafqazinfo” xəbər verir ki, Ermənistan KİV-nin yaydığı məlumata görə, Azərbaycan vətəndaşı Cavid Məmmədov ötən gün yerli vaxtla saat 18:10-da təmas xəttini keçmək istəyərkən saxlanılıb və müvafiq orqanlara təhvil verilib.
Azərbaycan Müdafiə Nazirliyinin mətbuat xidmətinin nümayəndəsi “Qafqazinfo”ya açıqlamasında faktı təsdiqləyib və hazırda araşdırma aparıldığını, həmin şəxsin kimliyinin müəyyənləşdirildiyini bildirib.
***
BQXK Beynəlxalq Qızıl Xaç Komitəsi Azərbaycan və Ermənistan qoşunlarının təmas xəttində bir Azərbaycan vətəndaşının girov götürüldüyünü təsdiqləyib.
BQXK-nın Azərbaycan nümayəndəliyinin ictimaiyyətlə əlaqə şöbəsinin rəhbəri İlahə Hüseynova Lent.az-a açıqlamasında bildirib ki, BQXK-nın Dağlıq Qarabağdakı ofisi bir Azərbaycan vətəndaşının saxlanıldığı barədə məlumatlandırılıb. BQXK mandatına uyğun olaraq ona baş çəkəcək.