Dövlət Sərhəd Xidməti Nümunəvi Hərbi Orkestrinin və Rəşid Behbudov adına Mahnı Tetarının solisti Fəxri Kazım-Nicatın solo konserti keçiriləcək.
“Qafqazinfo” Missiya.az-a istinadən xəbər verir ki, Dövlət Sərhəd Xidmətinin yaradılmasının 100 illiyinə və ifaçının öz yaradıcılıq fəaliyyətinin 15 illiyinə həsr olunan konsert mayın 1-də Azərbaycan Dövlət Akademik Filarmoniyasında təşkil olunacaq.
İfaçı bildirib ki, hazırda Azərbaycan Xalq Çalğı Alətləri Orkestri ilə məşqlər davam etdirilir:
“Repertuara klassik musiqi, bəstəkar və xalq mahnıları daxil edilib. Məşqləri xalq artisti Ağaverdi Paşayev aparır. Biletlər kassalarda satışa çıxarılıb”.