Tailand 8 ildən sonra ilk dəfə parlament seçkisi keçirir
Tailandda 8 ildən sonra ilk parlament seçkiləri keçirilir.
“Qafqazinfo” xarici KİV-ə istinadən xəbər verir ki, seçkiyə 4 partiya və 2,8 mindən çox namizəd qatılıb. Yerli vaxtla 08:00-da açılan səsvermə məntəqələri 17:00-a qədər açıq olacaq. Ölkədə təxminən 51 milyon nəfərin səsvermə hüququ var.
Seçkilərdən sonra yeni tərkibli parlament Tailandın baş nazirini seçəcək.
Qeyd edək ki, Tailand sonuncu dəfə 2011-ci ildə parlament seçkiləri keçirib. 2014-cü ildə isə ölkədə hərbi çevriliş olub, general Prayut Çan-Oç hərbi hökumətə rəhbərlik edib.
