ABŞ vətəndaşlığından imtina rüsumu 80 faiz azaldıldı
Dövlət Departamenti ABŞ vətəndaşlığından rəsmi imtina etmək istəyən şəxslər üçün tətbiq olunan rüsumu təxminən 80 faiz azaldaraq, 450 dollara endirib.
“Qafqazinfo” xəbər verir ki, qurum Federal Reyestrdə yeni qaydanı dərc edib.
Qərara əsasən, vətəndaşlıqdan imtina üçün ödəniş 2350 dollardan 450 dollara endirilib və dəyişiklik elə həmin gün qüvvəyə minib.
Məlumata görə, rüsumun azaldılması ilə bağlı qərar bir neçə qrupun illərlə davam edən hüquqi mübarizəsindən sonra qəbul olunub. Bu məbləğ, eyni zamanda, ABŞ hökumətinin 2010-cu ildə amerikalılardan rəsmi olaraq vətəndaşlıqdan imtina etmələri üçün ödəniş almağa başladığı dövrdə tətbiq olunan tariflə eynidir.
ABŞ vətəndaşlığından imtina prosesi uzun və mürəkkəb prosedur hesab olunur. Müraciət edən şəxslər Dövlət Departamentinin konsulluq əməkdaşlarına bir neçə dəfə yazılı və şifahi şəkildə təsdiq etməlidirlər ki, bu addımın nəticələrini tam anlayırlar. Bundan sonra rəsmi imtina andı qəbul edilir və sənədlər nazirlik tərəfindən ayrıca nəzərdən keçirilir.
Rüsum 2015-ci ildə inzibati xərcləri qarşılamaq məqsədilə 450 dollardan 2350 dollara qaldırılmışdı. Bu artım xüsusilə xaricdə yaşayan və ABŞ vətəndaşlığını yalnız ABŞ-də doğulduqları üçün əldə etmiş şəxslər arasında narazılıq yaratmışdı.
Son Xəbərlər
- 1
- 2
- 3
- 4
- 5
- 6
