Bakıda daha bir məktəbli qızılcadan vəfat edib.
“Qafqazinfo” xəbər verir ki, 2015-ci il təvəllüdlü Ömər Heydərov qızılca xəstəliyi səbəbindən həyatını itirib.
Ömər Nəsimi rayonunda yerləşən 5 saylı orta məktəbin rus bölməsinin 1D sinif şagirdi olub.
Həmçinin bu xəbəri oxuyun: Российское агентство «Интерфакс» использовало армянское клише - ПЛАЧ ПО «АРЦАХУ»
Məktəbdən saytımıza bildirilib ki, Ö.Heydərov xəstəliklə əlaqədar dekabrın 29-30-da dərslərdə iştirak edə bilməyib, daha sonra isə onun vəziyyəti pisləşib və dünyasını dəyişib.
Qeyd edək ki, son 2 ayda Azərbaycanda 10-a yaxın azyaşlı və yeniyetmə qızılcadan vəfat edib.
***
Tibbi Ərazi Bölmələrini İdarəetmə Birliyindən (TƏBİB) müraciətimizə cavab olaraq bildirilib ki, yanvarın 7-də saat 12:25 radələrində 2015-ci il təvəllüdlü Ömər Heydərov ailə üzvləri tərəfindən tibb müəssisəsinə gətirilərkən onun həkiməqədər ölüm faktı qeydə alınıb.