Almaniyada nazir hoteldə ölü tapıldı
Almaniyanın Bavariya əyalətinin Baş nazirinin müavini və iqtisadiyyat naziri Hubert Ayvanger Berlində qaldığı hoteldə ölü tapılıb.
“Qafqazinfo” xəbər verir ki, alman mediası bu barədə təhlükəsizlik mənbələrinə istinadən məlumat yayıb.
Bildirilib ki, “Freie Wähler” partiyasının (“Azad Seçicilər”) lideri olan 55 yaşlı Ayvangerin meyiti Berlindəki “Neuer Fritz” hotelində aşkar edilib.
Ayvangerin ölüm səbəbi ilə bağlı hələlik rəsmi açıqlama verilməyib. Bildirilib ki, siyasətçinin partiyasının Berlin şöbəsinin açılışında iştirak edəcəyi gözlənilsə də, özünü pis hiss etdiyi üçün tədbirə qatılmayıb və hoteldə qalıb.
Qeyd edək ki, 2006-cı ildə “Freie Wähler” partiyasının Bavariya ştat lideri seçilən Ayvanger 2010-cu ildə partiyanın federal rəhbərliyini üzərinə götürüb. 2008-ci ildə ilk dəfə Bavariya Dövlət Parlamentinə daxil olan Ayvanger 2018-ci il ştat seçkilərindən sonra Bavariyanın iqtisadiyyat, dövlət inkişafı və energetika naziri təyin edilib və Dövlət baş nazirinin müavini vəzifəsini icra edib. Mühafizəkar siyasi mövqeyi ilə tanınan Ayvanger xüsusilə Avropa İttifaqının qərarlarına qarşı tənqidi mövqeyi ilə diqqət çəkib.
Son Xəbərlər
- 1
- 2
- 3
- 4
- 5
- 6
