Binəqədidə “Məlumat saatı” formatında videomüşavirə keçirilib

Binəqədidə “Məlumat saatı” formatında videomüşavirə keçirilib
Oxunma sayı: 440

Ölkənin ictimai-siyasi həyatında və Binəqədi rayonunda görülən işlərlə bağlı “Məlumat saatı” formatında videomüşavirə keçirilib. 

“Qafqazinfo” xəbər verir ki, müşavirədə Rayon İcra Hakimiyyəti başçısı Elxan Allahverdiyev, RİH başçısının müavinləri, Aparatın şöbə müdirləri, Rayon İcra Hakimiyyəti başçısının qəsəbə və sahə inzibati ərazi dairələri üzrə nümayəndələri iştirak edib.

Açılış nitqi ilə çıxış edən Binəqədi Rayon İcra Hakimiyyətinin başçısı Elxan Allahverdiyev son günlərdə Prezident İlham Əliyevin müxtəlif dövlət əhəmiyyətli layihələrin açılışında səsləndirdiyi fikirlərdən danışıb: 

“Ölkə başçısı tərəfindən aparılan məqsədyönlü və düşünülmüş siyasət dövlətimizin inkişafına, daha yaxşı gələcəyinə hesablanmış istiqamətdir. Azərbaycan Prezidenti İlham Əliyevin BMT-nin 75 illiyinə həsr edilmiş Yüksək Səviyyəli İclasda çıxışından irəli gələn tezislər bu çıxışda da ölkə başçısının bir daha dünyanın diqqətini Ermənistanın təcavüzkar ritorikasına, törətdiyi təxribatlara yönəldərək BMT-ni və beynəlxalq ictimaiyyəti işğalçı ölkənin növbəti hərbi təcavüzdən çəkindirilməsinə dəvət edib”.

Daha sonra Rayon İcra Hakimiyyətinin başçısı ölkədə aparılan abadlıq quruculuq işləri fonunda Binəqədi rayonunda da həyata keçirilən abadlıq-quruculuq işləri, rayonun ekoloji vəziyyətinin yaxşılaşdırılması istiqamətində görülməkdə olan işlər haqqında danışıb. Sonda mövzu ətrafında geniş fikir mübadiləsi aparılıb.


Daha tez məlumatlanmaq üçün Facebook səhifəmizi