“Çox maraqlı və möhtəşəm olacaq” - Tramp
ABŞ Prezidenti Donald Tramp çinli həmkarı Si Cinpinin Birləşmiş Ştatlara gözlənilən səfəri zamanı onunla bir çox faydalı və “məhsuldar” mövzuları müzakirə etmək niyyətində olduğunu açıqlayıb.
“Qafqazinfo” xəbər verir ki, bu barədə “RIA Novosti” məlumat yayıb.
Tramp qarşıdan gələn mühüm görüşlə bağlı fikirlərini belə ifadə edib:
“ÇXR Sədri sentyabrın 24-də qonağımız olacaq. Bu, çox maraqlı və möhtəşəm olacaq. Onu görməyə şad olarıq. Müzakirə etməli olduğumuz xeyli yaxşı mövzu var. Sədr Si ilə çox məhsuldar məsələləri nəzərdən keçirəcəyik”.
Qeyd edək ki, may ayında Donald Trampın Çinə rəsmi səfəri baş tutmuşdu. Amerika lideri həmin səfəri “inanılmaz” kimi qiymətləndirmiş və tərəflərin bir çox iqtisadi razılaşmalar əldə etdiyini bildirmişdi. Lakin Pekinin reaksiyası Vaşinqtonla müqayisədə daha təmkinli olmuşdu.
Son Xəbərlər
- 1
- 2
- 3
- 4
- 5
- 6
