Rumıniyada güclü zəlzələ oldu - Bu ölkələrdə də hiss edildi

ruminiyada-guclu-zelzele-oldu
Oxunma sayı: 222

Rumıniyada 5,3 bal gücündə zəlzələ qeydə alınıb.

“Qafqazinfo” xəbər verir ki, bu barədə ABŞ Geoloji Xidməti (USGS) açıqlama yayıb.

Bildirilib ki, yeraltı təkanlar yerli vaxtla saat 02:48-də baş verib. Zəlzələnin episentri Vrança bölgəsindəki Nereju-Mik kəndindən təxminən 16 kilometr qərbdə, ocağı isə 131-140 kilometr dərinlikdə yerləşib.

Avropa-Aralıq dənizi Seysmoloji Mərkəzi (EMSC) təkanları hiss edən sakinlərdən 14 mindən çox bildiriş qəbul edildiyini açıqlayıb.

Zəlzələ ocağının dərində yerləşməsi səbəbindən təkanlar paytaxt Buxarestlə yanaşı, geniş coğrafiyada - Bolqarıstan, Serbiya, Moldova, Ukrayna və Türkiyənin İstanbul şəhərinin bəzi rayonlarında da hiss olunub.

Qeyd edək ki, Karpat dağlarının ətəyində yerləşən Vrança seysmik zonası tarix boyu dağıdıcı təkanlarla yadda qalıb. 1977-ci ildə bu bölgədə baş verən güclü zəlzələ zamanı əsasən Buxarestdə olmaqla 1500-dən çox insan həyatını itirmişdi.