“Durov Fransadakı səfirliyə kömək üçün müraciət etməyib”
Teleqram sosial şəbəkəsinin saxlanılan təsisçisi Pavel Durov və vəkilləri Rusiyanın Fransadakı Səfirliyinə kömək üçün müraciət etməyiblər.
“Qafqazinfo” xəbər verir ki, bu barədə “Gazeta.ru”ya diplomatik nümayəndəliyin Mətbuat xidmətindən məlumat verilib.
“Səfirliyə P.V.Durov və onun nümayəndələrindən hər hansı konkret yardımla bağlı müraciət edilməyib”, - səfirlik bildirib.
Xatırladaq ki, P.Durov avqustun 24-də axşam saatlarında Parisin Le-Burje hava limanında saxlanılıb. Fransa mediası yazır ki, Durov Fransada axtarışda olan şəxslər siyahısına daxil edilib. Onun saxlanmasına dair order Fransa məhkəmə polisi tərəfindən ilkin istintaqa əsasən verilib. Fransa hakimiyyəti teleqramda moderasiyanın olmaması səbəbindən Durovu narkotik alverində, uşaqlara qarşı cinayətlərdə və dələduzluqda günahlandırır. İddialara görə, iş adamını 20 ilə qədər həbs gözləyir.
Son Xəbərlər
- 1
- 2
- 3
- 4
- 5
- 6
