Əcnəbilər üçün Ayasofyaya giriş ödənişli oldu
Bu gündən başlayaraq İstanbulda Ayasofya məscidinə xarici vətəndaşlar üçün turistik məqsədlə giriş ödənişli olacaq.
“Qafqazinfo” xarici mediaya istinadən xəbər verir ki, Türkiyənin Turizm Nazirliyi tərəfindən tətbiq edilən yeni qaydalar bu gündən qüvvəyə minir.
Beləliklə, xarici turistlər üçün sözügedən dünyaca məşhur məscidə giriş üçün 25 avro (təqribən 47 AZN) tələb olunacaq.
Türkiyə vətəndaşları və Ayasofya məscidinə ibadət üçün daxil olanlara giriş ödənişsiz olaraq qalır. Nazirliyin açıqlamasına görə, yeni qaydaların tətbiqi məscidin girişində növbələrin aradan qaldırılmasına, eləcə də onun bərpası ilə bağlı genişmiqyaslı işlərin sistemli aparılmasına imkan verəcək.
Xatırladaq ki, Türkiyə Prezidenti Rəcəb Tayyib Ərdoğan 2020-ci ilin iyulunda Ayasofyanın məscid olması ilə bağlı sərəncam imzalayıb və burada ibadətlər bərpa edilib. Elə bu zaman Ayasofyaya giriş pulsuz olub.
Son Xəbərlər
- 1
- 2
- 3
- 4
- 5
- 6
