Ermənistan üç əsgərinin yaralandığını deyir
Xəbər verdiyimiz kimi, dünən Ermənistan silahlı qüvvələri saat 16:00 radələrində Kəlbəcər rayonu sahəsində yerləşən Azərbaycan ordusunun mövqelərini atəşə tutub. Qarşı tərəfdən açılan snayper atəşi nəticəsində hərbi qulluqçumuz gizir Yaqublu Fərman Telman oğlu şəhid olub.
“Qafqazinfo”nun məlumatına görə, erməni KİV iddia edir ki, Azərbaycan Ordusunun bölmələri tərəfindən həyata keçirilən cavab tədbirləri nəticəsində üç erməni hərbçi yaralanıb.
Ermənistan Müdafiə Nazirliyi isə hər zamankı kimi ölkəsinin hərbi qüvvələrinin Azərbaycan ərazisini atəşə tutmasını təkzib edir.
