Ermənistanın Rusiyadakı səfiri diplomatik missiyasını başa vurdu
Ermənistanın Rusiyadakı səfiri Vardan Toqonyan Moskvada öz diplomatik missiyasını başa vurub.
“Qafqazinfo” xəbər verir ki, bu barədə məlumat səfirliyin rəsmi feysbuk hesabında paylaşılıb.
V.Toqonyan 2017-ci ildə Ermənistanın Moskvada səfiri təyin olunub. Onu bu vəzifədə ölkənin keçmiş müdafiə naziri Vaqarşak Arutyunyan əvəz edəcək.
Arutyunyanın Ermənistanın Rusiyada yeni səfiri təyin olunması barədə sərəncamı yanvarın 5-i ölkənin yenicə istefa vermiş Prezidenti Armen Sarkisyan imzalayıb.
