Hindistan əhalisinin sayına görə dünya üzrə ilk pillədə qərarlaşıb.
“Qafqazinfo” xəbər verir ki, bu, BMT-nin Əhali Fondunun hesabatında qeyd edilib.
Məlumata görə, Hindistanın hazırda 1 milyard 442 milyon əhalisi var.
İkinci yeri isə 1 milyard 425 milyonla Çin tutur.
İnfoqrafikada Hindistan əhalisinin artımını ölkədə sosial-iqtisadi vəziyyətin yaxşılaşması və ana ölümü səviyyəsinin azalması ilə əlaqələndirilib.
Belə ki, 1990-cı ildə dünyada ana ölümlərinin 26 faizi Hindistanın payına düşüb, 2020-ci ilə qədər bu rəqəm səkkizə enib.
Mütəxəssislər bu əsrin sonuna qədər Çin əhalisinin 1 milyarddan aşağı düşəcəyini təxmin edirlər.
Digər tərəfdən Hindistan əhalisinin növbəti bir neçə onillikdə artmağa davam edəcəyi gözlənilir.