“Kavak yelleri”nin Denizi illər sonra ekranlara qayıtdı - Foto
Türkiyənin məşhur “Kavak yelleri” serialında Deniz obrazı ilə yaddaşlarda qalan İbrahim Kendirci uzun zaman sonra yenidən ekranlara qayıdıb.
“Qafqazinfo” Türkiyə mətbuatına istinadən xəbər verir ki, Kendirci “Anne yarısı” serialının heyətinə qoşulub.
40 yaşlı aktyor ekran işində Burcu Özberkin canlandırdığı Zeynepin çalışdığı məktəbin yeni direktoru Emin obrazına həyat verir. Personaj son bölümdə ilk dəfə tamaşaçı qarşısına çıxıb.
Qeyd edək ki, İbrahim Kendirci 2007-2011-ci illərdə yayımlanan “Kavak yelleri” serialında canlandırdığı Deniz obrazı ilə geniş tamaşaçı auditoriyasının rəğbətini qazanmışdı. O, daha sonra “2 Yaka Bir İsmail”, “Sevdaluk”, “Payitaht: Abdülhamid”, “Darısı başımıza” və “Nöbet” kimi müxtəlif layihələrdə rol alıb.
Son Xəbərlər
