Maskı qol güləşinə çağırdı
“Ryanair”in baş direktoru Maykl O’Liri “Starlink” və “Ryanair” arasında davam edən gərginliyi yumorla həll etmək üçün İlon Maskı qol güləşinə çağırıb.
“Qafqazinfo” xəbər verir ki, iki milyarder arasındakı gərginlik O’Lirinin “Boeing 737” donanmasına “Starlink” internet xidmətini quraşdırmaqdan imtina etməsi ilə başlayıb.
Son günlər isə milyarderlər sosial şəbəkələrdə bir-birini tənqid edib, Mask hətta “Ryanair”i ala biləcəyini ironiya ilə bildirib.
“Mask aviaşirkət mülkiyyət qaydaları haqqında təyyarə aerodinamikası haqqında bildiyindən daha az şey bilir”, - O’Liri isə cavab verib.
“The Independent”ə verdiyi müsahibədə O’Liri qol güləşi ideyasını izah edib:
“Düşünürəm ki, Maskı qol güləşi yarışına çağırmalıyıq. Gəlin, bunu iki axmaq kimi həll edək. İki qoca kişinin qol güləşi və ya boks yarışı kimi bir şey. Bu, dünyanı əyləndirməyin ən yaxşı yolu ola bilər”.
O’Liri oxşar bir yanaşmanın 1992-ci ildə “Southwest Airlines”in təsisçisi Herb Kelleher tərəfindən tətbiq olunduğunu xatırladıb.
Son Xəbərlər
- 1
- 2
- 3
- 4
- 5
- 6
