Moskvada Rusiya və Ermənistanın Baş Qərargah rəislərinin görüşü oldu

Moskvada Rusiya və Ermənistanın Baş Qərargah rəislərinin görüşü oldu
Oxunma sayı: 1581

Rusiya Silahlı Qüvvələrinin Baş Qərargah rəisi Valeri Gerasimov Moskvada  Ermənistan Silahlı Qüvvələrinin Baş Qərargah rəisi Artak Davtyanla görüşüb.

“Qafqazinfo” xəbər verir ki, bu barədə “Sputnik Armeniya” məlumat yayıb.

Danışıqlar nümayəndə heyətləri səviyyəsində baş tutub. Görüşdə hərbi sahədə Rusiya-Ermənistan əməkdaşlığı daxil olmaqla, bir sıra məsələlər müzakirə olunub.

Qeyd edək ki, bu, Rusiya və Ermənistan Silahlı Qüvvələri Baş Qərargah rəislərinin aprel ayı ərzində ikinci görüşüdür. Onlar aprelin 14-də Moskvada Kollektiv Təhlükəsizlik Müqaviləsi Təşkilatının (KTMT) hərbi komitəsinin iclasında da bir araya gəliblər.