Nəsimidə oğurluq edən 4 nəfər saxlanıldı
Nəsimidə silsilə oğurluq hadisələri qeydə alınıb.
“Qafqazinfo” xəbər verir ki, bu barədə DİN-in Mətbuat Xidməti məlumat yayıb.
Bildirilib ki, rayon ərazisində yerləşən mağazaların birindən 337 manat oğurlanması barədə polisə məlumat daxil olub.
Polis əməkdaşlarının keçirdikləri tədbirlərlə əməli törətməkdə şübhəli bilinən V. Salmanov və A. Xələfov müəyyən olunaraq saxlanılıb. Araşdırmalarla məlum olub ki, A. Xələfov digər tanışları V. Nəsirov və S. Hüseynovla da əlbir olaraq daha bir mağaza və kafedən oğurluqlar edib. Nəticədə həmin şəxslər zərərçəkənlərə ümumilikdə 1000 manata yaxın maddi ziyan vurublar. Digər iki şəxs də polis əməkdaşları tərəfindən saxlanılıb.
Faktla bağlı araşdırma aparılır.
Son Xəbərlər
- 1
- 2
- 3
- 4
- 5
- 6
