Ötən il Britaniyada isti havalara görə 1500-dən çox adam ölüb
Keçən il Böyük Britaniyada istilər səbəbindən 1504 nəfərin öldüyü bildirilir.
“Qafqazinfo” xəbər verir ki, bu haqda Böyük Britaniyanın Sağlamlıq Təhlükəsizliyi Agentliyi (UKHSA) açıqlama yayıb.
Məlumata görə, yay ayları 5 ayrı isti dalğasını əhatə edib.
Keçən yay orta temperatur 16,1 dərəcə Selsi ilə “Böyük Britaniyada rekord ən isti yay” olub, ekspertlər isə səhiyyə sistemi və dövlət qurumları tərəfindən görülən tədbirlərin ölüm nisbətini azalda biləcəyini söyləyib.
Agentliyin məlumatına görə, isti dalğası ilə bağlı ölüm halları ən çox 85 yaş və yuxarı yaş qrupunda olub, ölüm halları isə əsasən İngiltərənin cənub, mərkəzi və şərq bölgələrində qeydə alınıb.
İsti dalğalar xüsusilə yaşlılar və xroniki xəstəlikləri olanlar üçün əhəmiyyətli risk yaratmağa davam etsə də, iqlim dəyişikliyi bu cür hadisələrə hazır olmağın vacibliyini vurğulayır.
Son Xəbərlər
- 1
- 2
- 3
- 4
- 5
- 6
