“PAŞA Bank” AMB-nin tələblərini pozdu
“PAŞA Bank” ASC Azərbaycan Mərkəzi Bankının istehlak kreditlərinin məcmu həcmi ilə bağlı tələblərini pozub.
“Qafqazinfo” AMB-yə istinadən xəbər verir ki, “PAŞA Bank” ASC tərəfindən mart ayının sonuna Mərkəzi Banka təqdim edilən hesabatda “Kredit riskləri, o cümlədən iri kredit riskləri ilə bağlı prudensial normativ və tələblərə dair Qayda”nın 4.8-ci bəndinin tələbi ilə müəyyən edilmiş, müddəti 5 (beş) il və ondan artıq olan istehlak kreditləri üzrə kredit tələblərinin maksimum məcmu miqdarı normativinin pozulması aşkarlanıb.
Bu səbəbdən də “Banklar haqqında” Qanunun 47.1-ci maddəsinin tələbləri rəhbər tutularaq, Mərkəzi Bank tərəfindən “PAŞA Bank” ASC-yə müvafiq pozuntunun qısa müddətdə aradan qaldırılması və qeyd olunan halların gələcəkdə təkrarlanmaması üçün daxili prosedurların təkmilləşdirilməsi ilə bağlı icrası məcburi sərəncam verilib.
Sözügedən pozuntu bankın maliyyə dayanıqlılığı üçün təhdid yaratmır.
Son Xəbərlər
- 1
- 2
- 3
- 4
- 5
- 6
