Rusiya Federasiyasının Qaraçay-Çərkəz Respublikasında silahlı şəxslər yol polislərinə hücum edib.
“Qafqazinfo” xəbər verir ki, bu barədə məlumatı Rusiyanın Daxili İşlər Nazirliyi yayıb.
İnsident nəticəsində 2 polis həlak olub, daha 4 nəfər isə yaralanıb.
Bildirilir ki, polislərə hücum edən 5 nəfər cavab atəşi ilə zərərsizləşdirilib.
Qeyd edək ki, aprelin 22-də də Qaraçay-Çərkəz Respublikasında polislərə hücum edilmişdi. Zərərsizləşdirilən şəxslərin həmin hücumda iştirak etdiyi ehtimal olunur.