Səhiyyə Nazirliyi “Sputnik V” peyvəndinin istifadəsini təsdiqlədi
Azərbaycan Səhiyyə Nazirliyi Rusiya istehsalı olan “Sputnik V” peyvəndini istifadə üçün təsdiq edib.
Bu barədə “Qafqazinfo”ya Səhiyyə Nazirliyindən məlumat verilib.
Bildirilib ki, bu peyvənd artıq 50-dən çox ölkədə qeydiyyata alınıb və “COVID-19” koronavirus infeksiyasına qarşı müvəffəqiyyətlə istifadə olunmaqla yüksək effektivlik göstərir.
Məlumata görə, Rusiyada 6 milyondan çox insan “Sputnik V” vaksini ilə peyvənd olunub.
Yaxın zamanda bu peyvəndin ölkəyə gətirilməsi barədə danışıqlar davam etdirilir.
Gülnar Əliyeva
