Topaz Premyer Liqasında XVIII tura start verilib.
“Qafqazinfo” futbolinfo.az-a istinadən xəbər verir ki, "Qarabağ" doğma meydanda "Qəbələ" ilə 1:1 bərabərə qalıb.
Tofiq İsmayılov adına Suraxanı qəsəbə stadionundakı ("Azərsun Arena") matçdan qonaq komandanın ukraynalı yarımmüdafiəçisi Aleksey Qay sualları cavablandırıb:
- Erkən qol vursanız da, qələbə hesabını qoruya bilmədiniz...
- Qələbə qazana bilərdik. Reallaşdıra bilmədiyimiz epizodlar oldu. “Qarabağ”ın topla yaxşı davranması bizə əlavə çətinlik yaratdı. Artırmağımız gərəkən məqamlar var.
- Qış fasiləsinə qədər olan dövrü necə qiymətləndirirsən? Çünki mövsümə yaxşı başlasanız da, sonradan xallar itirdiniz.
- Futbolda belə anlar olur. Üstəlik yeni yığılmış komandayıqsa, bu qaçılmaz haldı. Hər oyunda qələbə qazanmağımız mümkün deyil. Toparlanmalı, vahid komanda şəklində olmalıyıq.
- Rəqib komandadakı həmkarın Riçard Almeyda Azərbaycanda ilin ən yaxşı legioneri seçilən zaman sizin adınızı çəkmişdi. Siz özünüzü ən yaxşı hesab edirsinizmi?
- Almeyda bu titula layiqdi. Onu təbrik edir, uğurlar arzulayıram.
- Yarımmüdafiə xəttində yer alan futbolçular yorğun görünürdülər. Xüsusilə də, əks-hücumlara qoşulmaqda çətinlik çəkirdiniz. Bunu nə ilə əlaqələndirirsiz?
- Yorğunluq var idi, amma futbolçunun işi təqvimə uyğun oyunlara çıxmaqdı, verilən tapşırıqları yerinə yetirməkdi. Kənardan necə görünürük, deyə bilmərəm. Amma yorğunluqdan şikayət etməməliyik.
- Penalti epizodundan yararlana bilmədiniz. Bu anı həlledici hesab etmək olarmı?
- Görürsüz, əgər deyirik. Bəlkə mən vursam, yenə qol olmayacaqdı? Ehtimalla danışmayaq.
- Bu matçda 1 xal qazandınız, yoxsa 2 xal itirdiniz?
- Fikrimcə, 2 xal itirdik.