“Əvvəlki oyunda qalib gəlsək də..." - Qurban Qurbanov
Bu gün Topaz Premyer Liqasında XVI tura yekun vurulub.
“Qafqazinfo” xəbər verir ki, "Qarabağ" səfərdə "Zirə" ilə 0:0 bərabərə qalıb.
Zirə qəsəbə stadionundakı matçdan sonra təşkil olunan mətbuat konfransında açıqlama verən qonaq komandanın baş məşqçisi Qurban Qurbanov heç-heçəni belə şərh edib:
“Hər iki komanda ehtiyatlı oynadı. Ancaq maraqlı oyun alındı. Qalib gəlmək üçün bir neçə dəyişiklik etdik, ancaq alınmadı. Futbolçulardan razıyam” .
- İlk dövrədə "Qarabağ" böyük hesabla qalib gəlmişdi. Bu oyun isə heç-heçə bitdi...
- Bu oyunda komandamın çıxışından razıyam. Əvvəlki oyunda qalib gəlsək də, qollardan 3-ü standart vəziyyətlərdən vurmuşduq. Bu dəfə isə rəqib standart vəziyyətlərdə daha diqqətli idi. Bir daha şahid olduq ki, çempionatda hər bir komanda xal qazanmağa qadirdi. Rəqib göstərdiyi oyuna görə ilk 3 pilləyə layiqdi.
- "Qarabağ" xal qazansa da, rəqibləri xal itirir. Komandada buna görə arxayınlıq yoxdu ki?
- Futbolçularda arxayınlıq yoxdu. Bu mövsüm başlayandan mən komandada belə bir şey hiss etməmiəm. Sadəcə, bəzi oyunlarda fiziki yorğunluq olur.
- Maksim Medvedev bir müddət sol cinahda oynasa da, bu gün yenə sağda oynadı. Bu onun sol cinahda ümidləri doğrultmamasıyla bağlı idi?
- Xeyr, mən onun oyunundan hər iki mövqedə razıyam.
Son Xəbərlər
- 1
- 2
- 3
- 4
- 5
- 6
