““İnter”də qalmaq niyyətindəyəm” - Svanadze
Topaz Premyer Liqasının 18-ci turu çərçivəsində "Xəzər Lənkəran" üzərində 2:0 hesablı qələbədən sonra "İnter"in baş məşqçisi Zaur Svanadze mətbuat konfransı keçirib.
“Qafqazinfo” xəbər verir ki, gürcü mütəxəssis daha çox komandasının qarşıdakı planları barədə danışıb:
“Mövsümün ilk yarısınının yekunundan razıyam. Hesab edirəm ki, 2-ci yer komandamız üçün uğurlu nəticədi. Qarşıda 2 həftəlik məzuniyyət var. Sonra Türkiyəyə getməyi planlaşdırırıq”.
- Maliyyə durumunuzu nəzərə alaraq, əksər futbolçularla qışadək müqavilə imzalanıb. 18-20 futbolçunun birdən-birə komandadan ayrılmaq ehtimalı sizi qorxutmur?
- Ola bilər bir neçə oyunçuyla ayrılaq. Amma düşünmürəm ki, kütləvi şəkildə futbolçular bizdən ayrılsın.
- Rəhbərliklə gələcək barədə söhbətiniz olub?
- Olub. Yaxın 2-3 gündə bu barədə sizə də məlumat veriləcək.
- UEFA-nın məlum qərarından sonra avrokubokda oynamaq şanslarınız şübhə altına alır. Bu, motivasiyanıza təsir etmir?
- Məndəki məlumata görə bu yöndə işlər müsbət həll olunacaq.
- Qışda "İnter"dən ayrılmaq niyyətiniz yoxdu?
- Xeyr. Etiraf edim ki, bütün komanda qalmaq niyyətindədi. Elə mən də həmçinin.
Son Xəbərlər
- 1
- 2
- 3
- 4
- 5
- 6
