Azərbaycanın şimal rayonlarında başlayan güclü külək bir sıra fəsadlar yaradıb.
“Qafqazinfo” xəbər verir ki, Qusar rayonunda 2 saylı tam orta məktəbin damı uçub. İcra başçısı Şair Alxasov dərhal hadisə yerinə gedib.
Bundan əlavə, sözügedən rayonda qaz xətləri, işıq dirəkləri və çoxlu sayda ağaclar yola aşıb. Qusar-Xudat yolu bağlanıb, hal-hazırda hadisə yerində texnika işləyir.
Şəhərin mərkəzində yol kənarında duran "Nissan Teana" markalı avtomobil də güclü külək nəticəsində zərər çəkib. Belə ki, avtomobilin üstünə ağac aşıb.
Emin Kərimov