“Həzi Aslanov-2” nə vaxt istifadəyə veriləcək?
“Qafqazinfo” xəbər verir ki, bunu Modern.az-a açıqlamasında “Bakı Metropoliteni” Qapalı Səhmdar Cəmiyyətinin mətbuat xidmətinin rəhbəri Nəsimi Paşayev sözügedən ərazinin uzun müddətdir hasara alınmasına aydınlıq gətirərkən deyib.
N.Paşayev bildirib ki, “Həzi Aslanov-2” stansiyasının istifadəyə verilməsi bu dəqiqə mümkün deyil.
“Buna səbəb isə həmin stansiyanın “Yaşıl xətt”in davamı olacağıdır. “Xətai” stansiyasından sonra Nobel prospekti boyunca çəkiləcək olan bir neçə stansiya “Həzi Aslanov-2” stansiyasında dayanır. Gələcək üçün isə onun davamı dairəvi olacaq, həmin xətt yenidən “Dərnəgül” stansiyasına gedib birləşəcək”.
Metropoliten rəsmisi bildirib ki, “Həzi Aslanov-2” tiklib istifadəyə verildikdən sonra o, keçid kimi istifadəyə veriləcək. Digər stansiyalarda tikinti işlərinin bitməsini gözləməyə ehtiyac yoxdur.
“Orada “Cəfər Cabbarlı”-“28 May” keçidi kimi Həzi Aslanov keçidi tikilir. Tikintisi nəzərdə tutulan stansiyalar istifadəyə verildikdən sonra birbaşa “Həzi Aslanov-2” stansiyasına birləşəcək”.
Qeyd edək ki, “Həzi Aslanov” metrostansiyasının ətrafı 3 ilə yaxındır ki, hasara alınıb. Sərnişinlərin gediş-gəlişinə mane olur. Sözügedən ərazidə avtobusların dayanması mümkün deyil.
Son Xəbərlər
- 1
- 2
- 3
- 4
- 5
- 6
