“8 il əvvəl bura heç kim gəlməzdi”
Fransa Prezidenti Emmanuel Makron İrəvanın Avropaya inteqrasiya seçimi sayəsində ölkənin artıq Rusiyanın de-fakto peyki kimi qəbul edilmədiyini bildirib.
“Qafqazinfo” “News.am” portalına istinadən xəbər verir ki, Fransa lideri bu fikirləri İrəvanda keçirilən Avropa Siyasi Birliyinin 8-ci sammiti zamanı səsləndirib.
Makron qeyd edib ki, cəmi 8 il əvvəl Ermənistan beynəlxalq aləmdə Rusiyadan tam asılı dövlət kimi tanındığı üçün belə sammitlərin İrəvanda keçirilməsi qeyri-mümkün idi:
“Gəlin dürüst olaq, 8 il əvvəl bura heç kim gəlməzdi. 8 il əvvəl bu ölkəyə Rusiyanın de-fakto peyki kimi baxırdılar”.
Makronun sözlərinə görə, 2018-ci il “məxməri inqilab”ından sonra Paşinyan ölkənin inkişafı üçün əsas istiqamət kimi Avropanı seçərək strateji bir dönüş edib.
Xatırladaq ki, Ermənistanın 2018-ci ildə parlamentli idarəetmə üsuluna keçməsi və Nikol Paşinyanın hakimiyyətə gəlməsindən sonra İrəvan-Moskva münasibətlərində soyuqluq sezilməkdədir.
Son Xəbərlər
- 1
- 2
- 3
- 4
- 5
- 6
