Avqust üzrə pensiya ödənişləri yekunlaşdı
Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən bu gün avqust ayı üzrə bütün pensiyaların ödənişi başa çatdırılıb.
“Qafqazinfo”ya daxil olan məlumata görə, dövlət qulluqçuları, hərbi və xüsusi rütbəli şəxslərə də avqust ayının pensiyaları ödənilib.
Xüsusi karantin rejimi ilə əlaqədar olaraq, pensiyaçılar istənilən bankın bankomatlarından öz pensiyalarını əldə edə bilərlər. Bu zaman heç bir faiz tutulmayacaq.
Qeyd edək ki, Bakı və Sumqayıt şəhərləri, Abşeron rayonu üzrə pensiyalar avqustun 10-da ödənilib.
