Azərbaycanda sabah toyu olacaq gənc qəzada öldü
.jpg "azerbaycanda-sabah-toyu-olacaq-genc-qezada-oldu")
Astara rayonunda bir nəfərin ölümü, bir nəfərin ağır xəsarət alması ilə nəticələnən ağır yol-nəqliyyat qəzası baş verib.
“Qafqazinfo”nun Report-a istinadən məlumatına görə, hadisə Astara şəhəri ərazisində qeydə alınıb.
Belə ki, “BMW” markalı, 90 OE 855 dövlət nömrə nişanlı minik avtomobili “VAZ-2107” markalı, 07 BE 113 dövlət nömrə nişanlı minik avtomobili ilə toqquşub.
Nəticədə “VAZ-2107” markalı avtomobilin sürücüsü Məmmədzadə Nicat Fizuli oğlu ölüb, “BMW” avtomobildəki sərnişinlərdən biri Məmmədzadə Samir Nizami oğlu ağır xəsarət alıb.
Qeyd edək ki, qəza zamanı toqquşan avtomobillərin sürücüsü əmioğludurlar. Bununla yanaşı, qəzada ölmüş “VAZ-2107” markalı avtomobilin sürücüsünün sabah toyu olacaqdı.
Faktla bağlı Astara Rayon Polis Şöbəsində araşdırma aparılır.
