Çin uzaqdan zondlama peykini orbitə buraxdı

cin-uzaqdan-zondlama-peykini-orbite-buraxdi
Oxunma sayı: 2017

Çin kosmosa uzaqdan zondlama imkanlarına malik “Yaogan” sinifli Yerin müşahidə peykini göndərib.

“Qafqazinfo” xəbər verir ki, Çinin “Sinxua” xəbər agentliyinin məlumatına görə, “Yaogan-33 04” peyki ölkənin şimal-qərbindəki Ciuchuen Peyk Atma Mərkəzindən “Long March 4C” raketi ilə orbitə buraxılıb.

Peyk buraxıldıqdan sonra planlaşdırılmış orbital mövqeyinə yerləşib.

Buraxılış “Long March” raketləri ilə həyata keçirilən 489-cu uğurlu nəqliyyat missiyası idi.

Qeyd edək ki, uzaqdan zondlama xüsusiyyətinə malik optik peyk elmi təcrübələr, torpaq ehtiyatlarının monitorinqi, məhsulun proqnozlaşdırılması və fəlakətlərin qarşısının alınması və mühafizə işlərinə dəstək üçün istifadə olunacaq.