Ermənistanla Türkiyə arasında növbəti danışıqların yeri və tarixi açıqlandı
Ermənistan və Türkiyənin xüsusi nümayəndələri Ruben Rubinyan və Serdar Kılıç arasında növbəti görüş iyulun 1-i Vyanada keçiriləcək.
“Qafqazinfo” “Sputnik Ermənistan”a istinadən xəbər verir ki, bu barədə məlumatı Ermənistan XİN-in mətbuat katibi Vaan Unanyan açıqlayıb.
Qeyd edək ki, Ermənistan və Türkiyə 2021-ci ilin dekabrında iki ölkə arasında münasibətlərin normallaşdırılması üçün xüsusi nümayəndələr təyin ediblər. Türkiyə tərəfindən sözügedən nümayəndə ölkənin ABŞ-dakı keçmiş səfiri Serdar Kılıç, Ermənistan tərəfindən isə parlamentin vitse-spikeri Ruben Rubinyan təyin olunub. Tərəflər artıq üç dəfə danışıqlar aparıb. Danışıqların ilk raundu Moskvada, digər ikisi isə Vyana keçirilib. Sonuncu görüş isə mayın 3-ü Vyanada baş tutub.
Son Xəbərlər
- 1
- 2
- 3
- 4
- 5
- 6
