Şəhid ailələri Çanaqqala şəhərini ziyarət ediblər - Fotolar
“Zəfər” Şəhid Ailələrinə Dəstək İctimai Birliyi və Türk Əməkdaşlıq və Koordinasiya Agentliyinin (TİKA) təşkilatçılığı, “Azərbaycan Hava Yollar”QSC-nin tərəfdaşlığı ilə şəhid ailə üzvlərindən ibarət olan 28 nəfərlik heyət Türkiyənin Çanaqqala şəhərini ziyarət edib.
“Qafqazinfo” xəbər verir ki, səfərin ilk günündə Çanaqqala şəhərinin valisi İlhami Aktaş şəhid ailələri ilə görüşlərin əhəmiyyətini vurğulayıb.
O, şəhid ailələrini öz şəhərlərində görməkdən çox xoş olduqlarını və bu cür səfərlərin iki qardaş xalq arasında ortaq dəyərlərin inkişaf etdirilməsi baxımından mühüm olduğunu bildirib.
Səfər çərçivəsində şəhid ailələri “57-ci Alay Şəhidliyi”, “Çanaqqala Şəhidlər Abidəsi”, “Zəfər Muzeyi”, “Troya atı Muzeyi”, “Dəniz Muzeyi”, “Hisart Canlı Tarix Muzeyi”, “Seyit Onbaşı Abidəsi”, “Atatürk Abidəsi”, “Nusret Mayın Gəmisi” və “Aynalıçarşı” kimi Çanaqqala şəhərinin tarixi məkanlarını ziyarət ediblər.
Həmçinin Çanaqqalada yerləşən Azərbaycan şəhidlərinin xatirəsinə ucaldılmış abidəni ziyarət edən şəhid ailələri hər iki qardaş xalqın Vətənləri uğrunda canlarından keçən qəhrəman şəhidlərini dərin ehtiramla yad ediblər.
Son Xəbərlər
- 1
- 2
- 3
- 4
- 5
- 6
