Heteroseksual yolla İİV-ə yoluxma 47%-ə qalxıb
“Son 11 ayın nəticələrinə əsasən, ölkədə 592 nəfər İİV virusuna yoluxub”.
“Qafqazinfo” xəbər verir ki, bu barədə məlumatı Respublika QİÇS-lə Mübarizə Mərkəzinin rəsmisi Natiq Zülfüqarov Ümumdünya QİÇS-lə mübarizə Günü ilə bağlı təşkil olunmuş tədbirdə deyib. Onun sözlərinə görə, yoluxanlardan 569-u ölkə vətəndaşı, 29-u isə əcnəbi olub.
“Cins üzrə baxdıqda isə, virusa yoluxanlardan 371-i kişi, 192-i isə qadındır. Hazırda dünyada 37,9 insan İİV-lə yaşayır. 8,5 milyon insanın bu xəstəliyə yoluxduğundan xəbəri yoxdur.
Azərbaycanda 1987-ci ildən son göstəricilərə görə 6778 nəfəri İİV-lə yaşayır. Yeni yoluxanların 66%-i kişilər təşkil edir. 1045 nəfər isə bu virus nəticəsində ölüb. Əhalinin 10 min nəfəri arasında İİV-ə yoluxma faizi 5,9-dur.
Müsbət nəticə ondan ibarətdir ki, son illərdə statistikaya əsasən narkotik istifadəçilərinin sayında azalma müşahidə olunur. Ancaq artım heteroseksual yolla yoluxma hallarında müşahidə olunur və nəticə 47%-ə qalxıb. O cümlədən, artım homoseksual yayılma hallarında da müşahidə olunaraq 3% olub.
İİV virusunun yayılması halı əsasən cənub regionunda, daha sonra isə Mingəçevir, Yevlax, Göyçay, Sumqayıt, Şirvan, Hacıqabul və Xızıda müşahidə olunur”.
Günel Hacı
Son Xəbərlər
- 1
- 2
- 3
- 4
- 5
- 6
