Kino müsabiqəsinin reqlamenti açıqlandı - Video
Mədəniyyət Nazirliyi və Kino Agentliyi tərəfindən elan olunmuş 2025-ci il üzrə “Dövlət dəstəyi ilə istehsal ediləcək film layihələri” müsabiqəsinin reqlamenti açıqlanıb.
“Qafqazinfo”nun məlumatına görə, reqlamentə əsasən müsabiqəyə layihələrin qəbulu 15 aprel - 12 iyun 2025-ci il tarixləri ərzində https://arka.culture.az/az saytı vasitəsilə həyata keçiriləcək.
Müsabiqədə Azərbaycanda qeydiyyatdan keçmiş müstəqil prodüser mərkəzləri və müvafiq sahədə fəaliyyət göstərən digər hüquqi şəxslər iştirak edə bilər.
3 mərhələdən ibarət olacaq müsabiqənin nəticələrinin 2 Avqust – Azərbaycan Kinosu Günündə elan edilməsi nəzərdə tutulur.
Qeyd edək ki, müsabiqə film istehsalının stimullaşdırılması və səmərəliliyinin yüksəldilməsi, yerli kinematoqrafçıların təcrübəsinin artırılması, kino sənayesinin və bu sahədə özəl sektorun dəstəklənməsi, müvafiq sahədə fəaliyyət göstərən hüquqi şəxslər arasında rəqabət qabiliyyətinin artırılması məqsədi ilə həyata keçirilir.
Son Xəbərlər
- 1
- 2
- 3
- 4
- 5
- 6
