Mingəçevirdə yaşyarımlıq uşaq 3-cü mərtəbədən yıxıldı - Yenilənib
Mingəçevirdə yaşyarımlıq uşaq binanın 3-cü mərtəbəsindən yıxılıb.
“Qafqazinfo” “Oxu.Az”a istinadən xəbər verir ki, hadisə Ş.İ.Xətai küçəsi, 6 ünvanında yerləşən çoxmərtəbəli binada baş verib.
Yevlax rayonunun Aşağı Bucaq kənd sakini 2023-cü il təvəllüdlü Əsma Xasızadə nəzarətsiz qalıb, binanın 3-cü mərtəbəsindən yerə yıxılıb. Yaralı körpə doğmaları tərəfindən təcili xəstəxanaya çatdırılıb.
Faktla bağlı araşdırma başlanıb.
***
TƏBİB-dən “Qafqazinfo”nun sorğusuna cavab olaraq bildirilib ki, iyunun 3-ü saat 21:00 radələrində Mingəçevir Şəhər Mərkəzi Xəstəxanasının Təcili tibbi yardım şöbəsinə 2023-cü il təvəllüdlü azyaşlı (qadın cinsli) hospitalizasiya olunub.
Qapalı kəllə-beyin travması, sağ alın gicgah nahiyəsinin əziyi diaqnozu təyin edilən pasiyentə zəruri tibbi yardımlar göstərilib.
Hazırda Uşaq intensiv terapiya bölməsində azyaşlının müalicəsi davam etdirilir, vəziyyəti stabildir.
Son Xəbərlər
- 1
- 2
- 3
- 4
- 5
- 6
